Monday, November 22

This never fails to describe my state perfectly... It's my best!

حاله كده


معرفش ليه تنّحت للدنيا كده

فجأة لقيتني مسكون بالملل

لا عندي رغبة في البكا

ولا في الكلام

ولا عايز أنام

ولا حتى بسأل إيه ده ليه

و أخرتها إيه و إيه العمل

و أخاف أقول لأي حد

أحسن يقوم يقلبها جد

حد صاحبي ينزعج

يمد إيده في قلبه من باب الكرم

عشان يشاركني الألم

أو يستلفلي من لئيم حبّة أمل

حالة كده .. معرفش إيه

ملهاش معاد

ساعات تزورني في الربيع ..في الحر ..و في عز الشتا

و تجيب حاجات لا فيها روح ولا ميتة

حاله كده

..لا معاها تنفع كلمتين

ولا غنوتين

..ولا لقطه من ألبوم صور

..ألاقى قلبى ف الهوا ويا الكور

..أخاف اقول لأى حد

..أحسن يقوم يقلبها جد

..حاله كدة

.معرفش إيه

لكنى بطلع منها بعد السكات

..فاهم شوية في اللي فات

حاسس أوي بحضن الصحاب

..محظوظ أنا ساعات أشاور ينفتحلي ألف باب

لكنّي بغلط في الحساب

ومعرفش ليه تنحت للدنيا كدة



على سلامة

2 comments:

Salma said...

Ohhhhhhhhhhhh
ezay keda
7abet-ha keda
mo3abbera metzabbata
we fe mazagy metsha3bata
we yaret yaret ma7ad ye3raf
elli feyya wana keda
3ashan ba5af aywa ba5af
7ad ye3raf ye2lebha gaf
7ala keda
aywa keda
sa3at betigy fe aw2at keda
we sa3at beta5odny fe donia be3eeda awy 3an hena
7alet skoon samt raheeb
e7sas be3adam e7sas .. 3'areeb!
kolo fe makano kollo we2ef
la da ana elli 2alby we2ef!
sakta keda men 3'er kalam..sakta we law gamby "anam"
7ala keda aywa keda
sa3at betegy fe aw2at keda!!

:D:D

rehab hussien said...

Amazing !! and sooo true =D